रियल म्याड्रिडले स्पेनिस कोपा डेल रेको उपाधि जितेको छ ।

शनिबार राति भएको खेलमा ओसासुनालाई २–१ गोलले हराउँदै उपाधि उठाएको हो ।

रियलका लागि दुबै गोल रोड्रिगोले गरे । ओसासुनाका लागि लुकास टोरोले गोल गरे ।

स्टेडियो ला कार्टुजामा भएको खेलको दोस्रो मिनेटमा रोड्रिगोले गोल गर्दै अग्रता लिए ।

५८ औँ मिनेटमा लुकासले गोल गर्दै ओसासुनालाई १–१ गोलको बराबरीमा ल्याए ।

रोड्रिगोले ७० औं मिनेटमा गोल गरेपछि रियलले फेरी अग्रता लियो ।

खेलको बाँकि समयमा अरु गोल नहुँदा खेल रियलले पोल्टामा पारे ।

यो उपाधि रियलले पछिल्लो पटक सन् २०१४मा जितेको थियो ।

यस्तै यो रियलको २० औ कोपा डेल रे उपाधि हो । 

Categorized in स्पाेर्ट्स