मिचेल मार्शको कप्तानीमा अष्ट्रेलियान क्रिकेट टोली घोषणा भएको छ ।

अष्ट्रेलियाले दक्षिण अफ्रिकासँगको तीन खेलको टीट्वान्टी अन्तर्राष्ट्रिय सिरिजका लागि मार्शको कप्तानीमा १४ सदस्यीय टोली घोषणा गरेको हो ।

यी दुई राष्ट्रका बीच तीन खेलको टी–ट्वान्टी सिरिज ३० अगस्टबाट सुरु हुँदैछ ।

टोलीका नियमित सदस्य रहेका मिचेल स्टार्क, जोश हेजलवुड, प्याट कमिन्स, क्यामरुन ग्रीन र डेभिड वार्नरलाई आराम दिइएको छ । तर, स्टिभ स्मिथ र ग्लेन म्याक्सवेललाई भने टोलीमा समावेश गरिएको छ ।

यस्तै टोलीमा तीव्र गतिका बलर स्पेन्सर जोन्सन, अलराउण्डर आरोन हार्डी र म्याट सर्टसँग पहिलो पटक अन्तर्राष्ट्रिय टोलीमा स्थान बनाएका छन् ।

एस्टन अगर भने टोलीमा समावेश छैन । एसेन सिरिजका क्रममा घाईते भएका अगर पूरा निको भईनसकेका कारण टोलीमा नआएको हो ।

अष्ट्रेलियाको टोली

मिचेल मार्श (कप्तान), सन एबोट, जेसन बेहरेनडोर्फ, टिम डेभिड, नाथन एलिस, आरोन हार्डी, ट्रेभिस हेड, जोश इग्लिस, स्पेन्सर जोनसन, ग्लेन म्याक्सवेल, म्याट सर्ट, स्टिभन स्मिथ, मार्कस स्टोइनिस र एडम जाम्पा

Some fresh faces will be on the plane for three T20s against South Africa at the end of this month!

Oh, and Mitch Marsh will be the captain pic.twitter.com/DJLcMSsIO2

— Cricket Australia (@CricketAus) August 7, 2023

Categorized in स्पाेर्ट्स