विंगर जेरेमी डोकु म्यानसिटीमा अनुबन्धित
SamacharDesk – आकाश राजोपाध्याय | २०८० भाद्र ८, शुक्रबार
बेल्जियमका विंगर जेरेमी डोकु इंग्लिस क्लब म्यानचेस्टर सिटीमा अनुबन्धित भएका छन् । सिटिले २१ बर्षीत डोकुलाई फ्रेञ्च क्लब रेनेसबाट ५५.४ मिलियन पाउण्डमा भित्र्याएको हो ।
डोकुले गत सिजनको ट्रेबल विजेता सिटीसँग पाँच वर्षको सम्झौता गरेका छन् । मिडफिल्डर माटेओ कोभासिक र डिफेन्डर जोस्को ग्वार्डियोलपछि डोकु यो सिजन सिटीमा आबद्ध भएका तेस्रो खेलाडी हुन् ।
डोकुले विश्वको उत्कृष्ट टिमसँग आबद्ध हुन पाउँदा खुसी व्यक्त गरेका छन् ।
बेल्जियमका लागि १६ खेल खेलेका उनले फ्रेञ्च क्लबमा तीन सिजनमा ७५ लिग खेल्दै १० गोल गरेका थिए ।
वेस्ट ह्याम, टोटनह्याम र चेल्सीले पनि डोकुलाई अनुबन्ध गर्न चासो देखाएका थिए।
उनले सन् २०२० अक्टोबर मा एन्डरलेचबाट २६ मिलियन युरोमा रेनेसले पाँच वर्षको सम्झौता गरेको थियो ।
Categorized in स्पाेर्ट्स
