लिभरपुल काराबाओ कप (लीगकप) को फाइनलमा पुगेको छ । बुधबार फुलहमलाई १–१ को बराबरीमा रोक्दै बुधबार लिग कपको फाइनल यात्रा तय गरेको छ ।

सेमिफाइनल दोस्रो लेगको यो नतिजासँगै लिभरपुल समग्रमा ३–२ ले अगाडि रह्यो । पहिलो लेगमा लिभरपुल २–१ ले विजयी रहेको थियो ।

कार्भन कटेजमा भएको खेलमा लिभरपुलले लुइस डियाजको गोलले ११ औं मिनेटमा अग्रता लिएको थियो । दोस्रो हाफमा इसा डिपले फुलहमका लागि एक गोल फर्काए ।

लिभरपुल लिग कपको फाइनल पुगेको यो १४ औं पटक हो । यस्तै  फुलहम अहिलेसम्म लिग कपको फाइनल पुगेको छैन् ।

अब फेब्रुवरी २५ मा वेम्बलीमा हुने फाइनलमा लिभरपुलले चेल्सीसँग खेल्नेछ ।

Categorized in स्पाेर्ट्स