पाकिस्तानका पूर्व प्रधानमन्त्री इमरान खानले एआईको प्रयोग गरि जेलबाटै भाषण दिएका छन् । एआई सहयोगमा तयार पारिएको भाषणको भिडियोमा पूर्वप्रधानमन्त्री खानले आफूहरुले चुनाव जितेको दाबी गर्दै बोलेका थियो ।

सोहि भिडियो खानको एक्स अकाउन्टबाट शनिबार बिहानै सार्वजनिक भएको थियो । यो भिडिओ खानका राजनीतिक प्रतिद्वन्द्वी एवं पूर्वप्रधानमन्त्री नवाज शरीफले चुनावमा विजयी भएको दाबी गरेको केही घण्टापछि आएको हो ।

भिडियोमा पूर्वप्रधानमन्त्री खान खान क्यामेराको अघि बसेर बोलेको देखिन्छ । तर त्यो भिडियो भने उनी जेल पर्नुअघिको रेकर्ड गरिएको थियो । त्यस्तै भोइस क्लोन गरी तयार पारिएको खानको आवाज मात्र त्यस भिडियोमा राखेको छ । त्यसकारण भिडिओमा बोल्दै गर्दा उनको मुखको चाल र उनको आवाज नमिलेको देख्न सकिन्छ ।

एआईको प्रयोग गरी खानले आफ्नो समर्थकका लागि भाषण दिएको यो पहिलो घटना भने होइन । चुनावअघि पनि खानले यसैगरी एआईकै प्रयोग गरी जेलबाट भाषण दिएका थिए ।

भिडियोमा खानले आफ्ना समर्थकहरूलाई प्राप्त भएको जीत मनाउन आह्वान गरेका छन् । त्यस्तै नवाज शरीफको पहिलेको दाबीलाई अस्वीकार गर्दै खानले मतदाताहरुलाई परिणामले सत्तामा रहेकाहरु डराएको बताएका छन् ।

हाल पाकिस्तानमा निर्वाचनको अन्तिम नतिजा आउन भने बाँकी नै छ ।

قوم کی جانب سے انتخابات میں تاریخی مقابلے، جس کے نتیجے میں تحریک انصاف کو عام انتخابات 2024 میں بے مثال کامیابی میسرآئی،کے بعد چیئرمین عمران خان کا(مصنوعی ذہانت سے تیار کردہ) فاتحانہ خطاب pic.twitter.com/8yQqes4nO9

— Imran Khan (@ImranKhanPTI) February 9, 2024

Categorized in अन्तर्राष्ट्रिय