काठमाडौंको ठमेलबाट नक्कली थाईभाट नोटसहित एक पाकिस्तानी नागरिक पक्राउ परेका छन् ।

पाकिस्तान कराची घर भएका ३४ वर्षीय शेरदाज खानलाई मंगलबार साँझ प्रहरीले ठमेलको नरसिंह चोकबाट नक्कली नोटसहित पक्राउ गरेको हो ।

खानबाट नक्कली जस्तो देखिने थाईभाट १ हजार दरको १४ थान नोट बरामद गरिएको प्रहरीले बताएको छ ।

ठमेलस्थित गरिमा विकास बैंकबाट नोट साट्ने क्रममा नक्कली जस्तो देखिएको भनी सूचना पाएपछि उनलाई पक्राउ गरिएको जानकारी प्रहरीले दिएको छ ।

महानगरीय प्रहरी वृत्त लैनचौरबाट खटिएको प्रहरी टोलीले खानलाई पक्राउ गरेको हो । यस सम्बन्धमा थप अनुसन्धान गरिरहेको प्रहरीले बताएको छ ।

Categorized in अपराध