अस्ट्रेलियाको फास्ट बलर प्याट कमिन्स एक दिवसीय क्रिकेट टिमको कप्तानमा नियुक्त भएका छन् ।

नियमित कप्तान आरोन फिन्चले आफ्नो खराब फर्मका कारण गत महिना एकदिवसीय ढाँचाबाट सन्यास लिएपछि टेष्ट कप्तान प्याट कमिन्सले जिम्मेवारी पाएका हुन् । तर टी–२० टोलीको कप्तानी भने फिन्चले नै गर्नेछन् ।

क्रिकेट अस्ट्रेलियाले ट्वीटरमा ट्वीट गर्दै कमिन्सलाई कप्तान बनाउने घोषणा गरेको हो ।

यसअघि २९ वर्षीय प्याट कमिन्सलाई टेस्ट कप्तानी दिइएको थियो र उनले आफ्नो कप्तानीमा टेस्ट फर्म्याटमा निकै प्रभाव पारेका छन् ।

प्याट कमिन्सले फिन्चको कप्तानीमा खेल्दा आफूलाई निकै रमाइलो लागेको र उनको नेतृत्वबाट आफूले धेरै कुरा सिकेको बताए ।

ओडिआई कप्तानका लागि मिचेल मार्स, स्टिभ स्मिथ र एलेक्स क्यारीको नाम पनि अगाडि आएको थियो ।

प्याट कमिन्स अस्ट्रेलियाको एकदिवसीय टोलीको कप्तानी गर्ने २७ औं खेलाडीका हो । साथै उनी ओडिआई ढाँचामा अस्ट्रेलियन टोलीको कप्तानी गर्ने पहिलो फास्ट बलर हुनेछन् ।

छनोटकर्ताका अनुसार सन् २०२३ को विश्वकपपछि पनि प्याटले नै एकदिवसीय टोलीको नेतृत्व गर्नेछन् ।

अष्ट्रेलियाली टी–२० विश्वकपपछि एकदिवसीय कप्तानको रूपमा प्याट कमिन्सको नेतृत्वमा अस्ट्रेलियन टोलीले घरेलु मैदानमा इङ्ल्यान्डसँग पहिलो एक दिवसीय शृंखला खेल्नेछ।

Pat Cummins has been named Australia's 27th ODI captain pic.twitter.com/T0p02wwjiP

— Cricket Australia (@CricketAus) October 17, 2022

Categorized in स्पाेर्ट्स