प्रिती जिंटाको परिवार कोरोनाबाट मुक्त
SamacharDesk – इन्टरटेनमेन्ट ब्यूराे | २०७७ पौष २७, सोमबार
बलिउड अभिनेत्री प्रिती जिंटाले आफ्नी आमा, भाई लगायत परिवारका सदस्यहरुको कोरोना नेगेटिभ रिपोर्ट आएको बताएकी छन् ।
सामाजिक संजाल इन्स्टाग्राममा लेख्दै प्रितीले तीन हप्ता अगाडी आफ्नी आमा, भाई, भाई बुहारी, उसका बच्चाहरु र अंकलको कोरोना पोजेटिभ देखिएको र अहिले नेगेटिभ रिपोर्ट आएको बताइन् । 4
हाल अमेरीकामा रहेकी प्रितीले आफ्नो परिवार कोभिडसँग संघर्ष गरिरहेको यो समयमा आफु अमेरीका असहाय र शक्तिहीन महसूस गरिरहेको बताइन् ।
‘भेन्टिलेटर, आइसीयू र अक्सिजन मेसीन जस्ता विषयले अचानक नयाँ अर्थ बनाएको छ’ प्रितीले इन्स्टाग्राममा लेखेकी छन् ।
मानिसहरुले कोरोनालाई हल्का ढंगले लिइरहेको भन्दै प्रितीले सबैलाई मास्क, स्यानिटाइजर, सामाजिक दुरी लगायतका सावधानी अपनाउन आग्रह गरेकी छन् ।
Categorized in पेजथ्री
