च्याम्पियन्स लिग क्वाटरफाइनलको पहिलो लेगमा स्पेनिस क्लब रियल म्याड्रिडले जित निकालेको छ । 

बुधबार राति भएको खेलमा रियलले इंग्लिस क्लब चेल्सीलाई २–० गोलले हराएको हो ।

घरेलु मैदानमा रियलको जितमा करिम बेन्जिमा र मार्को एसेन्सियोले एक एक गोल गरे । खेलको २१ औं मिनेटमा बेन्जिमाले गोल गर्दै रियललाई अग्रता दिलाए ।

खेलको ५९ औं मिनेटमा चेल्सी १० खेलाडीमा समेटियो । डिफेन्डर बेन चिलवेलले रातो कार्ड पाएपछि पाहुना टोली १० खेलाडीमा समेटिएको हो ।

पाहुना टोलीलाई लगातार दबाबमा राखी ७४ औं मिनेटमा एसेन्सियोले गोल गर्दा रियलको अग्रता दोब्बर बन्यो ।

खेलको बाँकि समयमा अरु गोल हुन नसक्दा खेल रियलले २–० ले आफ्नो पोल्टामा पारे ।

दुई टोलीबीचको दोस्रो लेगको अप्रिल १९ मा हुनेछ ।

जुन खेल चेल्सीको मैदानमा हुनेछ ।

Categorized in स्पाेर्ट्स