लालीगामा रियल म्याड्रिडले शीर्ष स्थानमा सात अंकको अग्रता लिएको छ  । आईतबार भएको खेलमा रियलले सेल्टा भियोलाई हराउँदै नजिक पुगेको हो ।

आईतबार घरेलु मैदानमा रियलले सेल्टा भिगोलाई ४–० गोलले हरा रियल उपाधिको नजिक पुगेको हो ।

खेलमा रियललाई अग्रता भिनिसियस जुनियरले २१ औं मिनेटमा दिलाएका थिए ।

दोस्रो हाफमा रियलले उपहार स्वरुप दुई गोल पाए । एन्टोनियो रुडिगरको हेड प्रहार बारमा लागेर फर्किएको थियो । बारमा लागेर फर्किएको बल गुइतालाई लाग्दै पोस्टको दिशा लिएको थियो ।

खेल सकिन दुई मिनेट अघि बल क्लियर गर्ने प्रयासमा कार्लोस डोमिन्गुएजले आत्मघाति गोल गरेपछि रियलको अग्रता ३–० रह्यो ।

वैकल्पिक खेलाडीको रुपमा मैदान छिरेको आरदा गुलेरले दोस्रो हाफको अरिरिक्त समयमा गोल गर्दै रियललाई ४–० को शानदार जित दिलाए ।

शीर्ष स्थानमा रियलको ६९ अंक भएको छ । दोस्रो स्थानको जिरोनाको ६२ अंक छ ।

पराजित सेल्टा भिगो २४ अंक सहित रेलिगेशन जोन भन्दा एक स्थान माथि छ ।

Categorized in स्पाेर्ट्स