हेरिटेज पेजन्ट २०२३ का लागि कोरियोग्राफर नियुक्त चर्चित फेसन कोरियोग्राफर रोजिन शाक्य बैंकक प्रस्थान गरेका छन् ।

बैंकक, थाइल्याण्डमा हुने पेजेन्टका लागि कोरीयोग्राफर साथै मिडिया पर्सनालिटी शाक्य गत सोमबार बैंकक प्रस्थान गरेका हुन् । कार्यक्रमको कोरियोग्राफीसँगै कार्यक्रम संचालनको जिम्मेवारी पनि रोजिनले नै निर्वाह गर्नेछन् ।

सन्तोष सापकोटाको अध्यक्षतामा इप्लानेट पीटीई लिमिटेड, सिंगापुरको ब्यानरमा आयोजनामा यो अन्तर्राष्ट्रिय प्रतियोगीता नोभेम्बर १८ देखि २७ नोभेम्बरसम्म हुनेछ । प्रतियोगीताको फाइनल भने २५ नोभेम्बरमा बैंकक, थाइल्याण्डमा हुनेछ ।

मिसेस हेरिटेज इन्टरनेशनल २०२३ को विजेता थाइल्याण्डका फन्टिप श्रीवर्न्युको सहयोगमा सिङ्गापुरका सुसान सानफुर्नी कोहले कार्यक्रमको संयोजन गर्नेछन् ।

हेरिटेज पेजेन्ट २०२३ को समग्र स्टेज प्रस्तुतिका लागि नेपालका शाक्य र मलेशियाका वेस्ली सले हात मिलाउने छन् ।

व्यावसायिक अनुभवको चौथाई शताब्दीभन्दा लामो समयको फराकिलो करियरको साथ रोजिनले विभिन्न क्षेत्रहरूमा महत्त्वपूर्ण विशेषज्ञता हासिल गरेका छन् ।

उनको व्यापक यात्राले विभिन्न क्षेत्रहरूमा आफ्नो अनुकूलनता र उपलब्धिहरू प्रदर्शन गर्दछ, जसमा मुख्य रूपमा फेसन कोरियोग्राफी, अन्तर्राष्ट्रिय प्रतियोगिता प्रशिक्षण, व्यक्तित्व कोचिङ, फेसन पत्रकारिता, एमसीइङ, समाचार वाचन आदि समावेश छन् ।

उनले हेरिटेज प्याजेन्स् बाहेक मिस मर्मेड सिंगापुर, मोडल सुपरस्टार मुम्बई, मिस तामाङ वर्ल्डको पनि कोरियोग्राफी गरिसकेका छन् ।

Categorized in पेजथ्री