जोसेलुको दुई गोलसँगै स्पेन विजयी
SamacharDesk – आकाश राजोपाध्याय | २०७९ चैत्र १२, आइतबार
युरोकप स्पेनले नर्वेलाई हराएको छ । गएराति भएको खेलमा स्पेनले नर्वेलाई ३–० गोलले हराएको हो ।
मालागाको ला रोजालेडा स्टेडियममा गएराति ३२ वर्षीय जोसेलुले दुई मिनेट भित्रै दुई गोल गरेका थिए । जोसेलुले अन्तर्राष्ट्रिय डेब्यु खेलमै दुई मिनेट भित्रै दुई गोल गरेको हो ।
खेलको १३ औं मिनेटमा ड्यानी ओल्मोको गोलवाट स्पेनले अग्रता लियो । पहिलो हाफसम्म १–० ले अघि रहेको स्पेनले खेलको ८४ औं मिनेटमा परिवर्तित खेलाडी जोसेलुले गोल गर्दै अग्रता दोब्बर पारे ।
त्यसको एक मिनेटपछि नै जोसेलुले व्यक्तिगत दोस्रो र टोलीका लागि तेस्रो गोल थपेका थिए ।
यो जितसँगै स्पेनले युरो छनोटको समूह ‘ए’ मा ३ अंक जोडेको छ । नर्वे अंकविहिन छ ।
यहीँ समूहको अर्को खेलमा स्कटल्यान्डले साइप्रसलाई ३–० ले हराएको छ ।
स्पेनले आफ्नो अर्को खेल मंगलबार स्कटल्याण्डसँग खेल्नेछ।
Categorized in स्पाेर्ट्स
