टिकटकमाथिको प्रतिबन्ध हटाउन गृहकार्य शुरु
SamacharDesk | २०८१ भाद्र ४, मंगलबार
सरकारले सामाजिक सञ्जाल टिकटक टिकटकमाथि लगाएको प्रतिबन्ध खोल्ने भएको छ ।
टिकटक ब्यवस्थापनले नेपालको नीति–नियम पालना गर्ने प्रतिवद्धता जनाउँदै संचार मन्त्रालयलाई पत्राचार गरेपछि संचार मन्त्रालयले मन्त्रिपरिषद्मा प्रस्ताव लैजानका लागि गृहकार्य गरिरहेको बताईएको छ ।
गत कात्तिक २७ गते पुष्पकमल दाहालको तत्कालिन सरकारले मन्त्रिस्तरीय निर्णय गरी प्रतिबन्ध लगाएको थियो ।
टिकटकको एशिया क्षेत्रका विभागीय प्रमुखले नेपालका सबै ऐन कानून पालना गर्न आफूहरु तयार भएको भनी नेपाल सरकारसँग पत्राचार गरेपछि सञ्चार मन्त्रालयलयले उक्त गृहकार्य थालेको हो ।
उक्त पत्राचारसंगै प्रधानमन्त्री केपी शर्मा ओली पनि टिकटकको प्रतिबन्ध हटाउन सकारात्मक देखिएको बुझिएको छ ।
टिकटकमाथि प्रतिबन्ध लगाएपछि तत्कालिन सरकारले गत मंसिरमा सामाजिक सञ्जालसम्बन्धी कार्यविधि जारी गरेको थियो । सो कार्यविधिमा सामाजिक सञ्जाल सूचीकरण गर्नुपर्ने ब्यवस्था गरिएको छ ।
टिकटक सोही दफा अनुसार सूचीकरण हुन तयार भएपछि प्रतिबन्ध हटाउने गेहकार्य अघि बढेको संचार मन्त्रालय स्रोतले जनाएको छ ।
सञ्चार मन्त्रालयले टिकटकलाई तीन महिनाभित्र सूचिकरण गर्न जवाफी पत्र पठाएको बुझिएको छ । तर प्रतिबन्ध भने त्यो भन्दा पहिल्यै खोल्ने तयारी रहेको छ ।
Categorized in राष्ट्रिय
