युरोकपमा वेल्सले टर्कीलाई हराउँदै पहिलो जित हात पारेको छ ।

बुधबार राति भएको खेलमा टर्कीलाई २–० गोल अन्तरले पराजित गर्दै वेल्सले पहिलो जित हात पारेको हो ।

बाकु ओलम्पिक स्टेडियम भएको खेलको खेलको ४३ औं मिनेटमा आरोन राम्सेले गोल गर्दै वेल्सलाई अग्रता दिलाएका थिए । उनले वेल्सको कप्तान ग्यारेथ बेलको पासमा गोल गरेका थिए ।

त्यसपछि खेलको इन्जुरी समयको पाँचौ मिनेटमा कोनर रोबर्ट्सले पनि ग्यारेथ बेल कै पासमा अर्को गोल गर्दै वेल्सलाई २–० को जित दिलाए ।

त्यसअघि ६१ औं मिनेटमा जेकी सिलिकले पेनाल्टी क्षेत्रमा बेललाई लडाएपछि वेल्सले पेनाल्टीको मौका पाएको थियो । तर, कप्तान बेलले पेनाल्टीमा गोल गर्न सकेनन् । बेलको पेनाल्टी गोल पोस्ट भन्दा माथिबाट बाहिरिएको थियो ।

यो जितसँगै वेल्स २ खेलमा ४ अंक जोड्दै समूह ‘ए’ को शीर्ष स्थानमा रहन्दै नकआउट चरणमा पुग्ने सम्भावना बलियो बनाएको छ ।

यस्तै दुई हार व्यहोरेपछि पुछारमा रहेको टर्कीको नकआउट चरण पुग्ने सम्भावना कमजोर बनेको छ ।

Categorized in स्पाेर्ट्स