१३औं दक्षिण एसियाली खेलकुद (साग) अन्तर्गत महिला भलिबलमा समूहको दोस्रो तथा अन्तिम खेलमा नेपाल भारतसँग पराजित भएको छ ।

त्रिपुरेश्वरस्थित कभर्डहलमा भएको खेलमा नेपाल सोझो सेटमा पराजित भएको हो । पहिलो सेटमा उत्कृष्ट प्रदर्शन गरेको नेपालले दुई वटा सेट प्वाइन्ट बचाउन नसक्दा २६÷२४ ले पराजित हुन पुग्यो । 

दोस्रो सेटमा सुरुदेखि नै दवावमा परेको नेपाल २५/१२ ले पराजित भयो । तेस्रो सेटमा नेपाल २५/१६ हार्योे । 

यो खेलसँगै नेपाल र भारतको समान तीन अंक भएको छ । 

पहिलो खेलमा बुधबार नेपालले बंगलादेशलाई सोझो सेटमा पराजित गरेको थियो । 

अब समूहको अन्तिम खेलमा भारत र बंगलादेश भिड्ने छन् । सो खेलको विजेताले समूह विजेता र उपविजेताको छिनोफानो लगाउने छ ।

यता, पुरुष भलिबलतर्फ बिहीबार भारत र पाकिस्तानले विजयी सुरुवात गरेका छन् । 

भारतले बंगलादेशलाई सोझो सेटमा पराजित गर्दैै सेमिफाइनल नजिक पुगेको हो । भारत २५/१८, २५/१४ र २५/१५ ले विजयी भयो । 

यसअघि बंगलादेशले बुधबार नेपाललाई बेष्ट अफ फाइभमा हराएको थियो । 

अब नेपालले समूहको अन्तिम खेलमा शुक्रबार भारतसंग खेल्नेछ । स्पष्ट जितले मात्र नेपाल सेमिफाइनलमा पुग्न सक्नेछ । 

समूह बी को खेलमा पाकिस्तानले माल्दिभ्सलाई सोझो सेटमा पराजित ग¥यो । पाकिस्तान २५/१६, २५/२३ र २५/१५ ले विजयी भयो । जितसँगै पाकिस्तान सेमिफाइनल नजिक पुगेको छ । 

पाकिस्तानले अब समूह चरणको अन्तिम खेलमा शुक्रबार श्रीलंकासँग खेल्नेछ ।

Categorized in स्पाेर्ट्स