१३औं दक्षिण एसियाली खेलकुद सागको भलिबलमा श्रीलंकाले महिला र पुरुष दुवै टिमबाट तेश्रो स्थान हासिल गर्दै कास्यपदक जितेको छ । 

सोमबार दशरथ रंगशालास्थित कभर्डहलमा श्रीलंकाले पुरुषतर्फ बंगलादेशलाई हरायो । श्रीलंका २३÷२५, २५÷२०, २५÷१६ र २५÷२१ ले विजयी भयो । 

त्यस्तै श्रीलंकाको महिला टोलीले माल्दिभ्सलाई सोझो सेटमा पराजित गर्दै कास्य पदक जित्यो । श्रीलंका २५÷१३, २५÷१८ र २५÷८ को सेटमा विजयी भएको हो । 

भलिबलका दुवै फाइनल खेल मंगलबार हुन गइरहेको छ । पुरुषतर्फ दिउँसो १ बजे भारत र पाकिस्तानबीच हुन गइरहेको छ ।

त्यसैगरी महिलातर्फको फाइनलमा भने पहिलो पटक फाइनल पुगेको नेपालले भारतसँग उपाधीको लागि प्रतिस्पर्धा गर्न लागेको छ ।

Categorized in स्पाेर्ट्स