बाधा परुन जति नै, माइतीघर तिम्रो होइन लगायतक चर्चित गीतका लोकप्रिय गायक स्वर्गीय द्वारीकालाल जोशीका सुपुत्र शरद जोशीको चार वटा गीत एकसाथ सार्वजनिक भएको छ ।

काठमाडौंमा शनिवार आयोजित एक कार्यक्रमका बीच शरदका तीन वटा नेपाली र एउटा नेपालभाषाको गीतको म्यूजिक भिडियो सार्वजनिक गरिएको हो ।

कार्यक्रममा शरदबाट गाइएको नेपाली गीत ‘के भयो आमा’, ‘कुराहरू’ र ‘तिमिलाई दिएको आँसु’ सार्वजनिक भएको थियो । शरदले आफ्नै बहिनी भिन्तुना जोशीसँग गाएको युगल गीत ‘भाराभारा मिन मन’ नं सार्वजनिक भएको हो ।

कार्यक्रममा अभिनेता मदनकृष्ण श्रेष्ठ, नेवाः देय् दबूका अध्यक्ष पवित्र बज्राचार्यले छोरीहरु लसता भिन्तुनाका साथमा छोरा शरदले पनि संगीत क्षेत्रमा स्वर्गीय द्वारीकालालको बिँडो थामेको बताए ।

स्वर्गीय द्वारीकालालकी धर्मपत्नी नगीना जोशीले आफ्नो पुरै परिवारले कला क्षेत्रमा दिएको निरन्तरता र योगदानले आफुलाई गर्व महसूस हुने बताए ।

त्यस्तै गायिका कलाकार भिन्तुना जोशीले आफुले यी गीतहरु तयार गर्न निकै मेहनत गरेको बताउँदै सबैलाई गीतलाई माया गरिदिन आग्रह गरिन् । गायक शरद र शरद, भिन्तुनाकी दिदी गायिका लसता जोशी नेपाल बाहिर भएकोले भिडियो क्लिपमार्फत आफ्ना विचार राखेका थिए ।

कार्यक्रममा नृत्य निर्देशक बसन्त श्रेष्ठ, संगीतकार मनराजा नकर्मी, वरिष्ठ गायक जुजुकाजि रन्जित र वरिष्ठ सिने पत्रकार विजयरत्न असंबरेले पनि शुभकामनासहित आआफ्ना विचार राखेका थिए ।

कार्यक्रममा सार्वजनिक गरिएको गीत ‘आँसु’ को भिडियोको निर्देशन शिवानी बज्राचार्यले गरेकी छिन् । यसमा भिन्तुनासँगै सोहित मानन्धर र नेहा मालाकारले अभिनय गरेका छन् ।

विश्वास बज्राचार्यले निर्देशन गरेको भाराभारा मिन मन गीतमा भिन्तुना जोशी र अहिलेका चर्चित व्यस्त मोडल मनोज महर्जनको अभिनय रहेको छ ।

चारवटै म्यूजिक भिडियो संगगीत प्रोडक्सन (Songgeet Production) युट्युब च्यानलमार्फत सार्वजनिक भएको छ ।

Categorized in पेजथ्री