साहित्यकार होमनाथ खत्री (होम दिम्माली) बाट रचित ’आत्मिकी अन्धकार’ नामक कविता संग्रह लोकार्पण गरिएको छ ।

भ्रष्ट, अराजकता र असहिष्णु कुप्रवृत्तिका विरुद्ध लक्षित भनिएको पुस्तकलाई जेष्ठ नागरिकद्वय कमलबहादुर बस्नेत तथा नन्दकुमारी बस्नेतले लोकार्पण गरे ।

पुस्तक लोकार्पण कार्यक्रममा बोल्दै स्रष्टा खत्रीले पछिल्लो समय समाजभित्र बढेको खराब प्रवृत्तिलाई प्रहार गर्नुपर्ने बताए ।

‘असल शिक्षा र आत्मिकी ज्ञानको अभावले समस्या भएको हो । त्यसैले व्यक्ति, परिवार, समाज र समग्र राष्ट्रको अवस्था बदल्न सबैको मन सफा हुनुपर्छ’ स्रष्टा खत्रीको भनाइ थियो ।

कार्यक्रममा गोरखापत्र संस्थानका कार्यकारी सम्पादक जुनारबाबु बस्नेतदेखि विभिन्न क्षेत्रका लब्धप्रतिष्ठित व्यक्तिहरूको सहभागिता थियो ।

पुस्तकलाई लुम्बिनी प्रिन्टिङ सर्भिसले प्रकाशन गरेको हो ।

Categorized in पेजथ्री