पाकिस्तान क्रिकेट बोर्ड (पिसिबि)ले पाकिस्तानी क्रिकेट टिमका लागि दुइ विधामा दुई जना कप्तान चयन गरेको छ । 

पिबिसिले ब्याट्सम्यान बाबर आजमलाई एकदिवसीय र टि–२० टिमको कप्तान बनाएको छ भने टेस्ट क्रिकेटका लागि अजर अली कप्तान बनेका छन् ।

यसअघिका कप्तान सर्फराज अहमदलाई हटाइएपछि आजमलाई नेतृत्व दिएको हो ।

यस्तै पीसीबीले २०२०–२१ का लागि सेन्ट्रल कन्ट्रयाक्टमा पर्ने खेलाडीको नाम समेत सार्वजनिक गरेको छ ।

सार्वजनिक गरिएको सूचीको ए श्रेणीमा ३ खेलाडी परेका छन् ।

कप्तानद्वय आजम र अलीसँगै शाहिन शाह अफ्रिदी क्याटेगोरी एमा छन् ।

सन् २०२०–२१ का लागि पीसीबीले सार्वजनिक गरेको सेन्ट्रल कन्ट्रयाक्टमा दुई नयाँ खेलाडी पनि परेका छन् ।

सेन्ट्रल कन्ट्रयाक्टमा पहिलो पटक नसिम शाह र ईफ्तिकर अहमद पनि परेका छन् ।

तीव्र गतिका बलरत्रय हसन अली, वाहेब रियाज र मोहमद अमीरले भने पिसिबिसँगको केन्द्रीय सम्झौता गुमाएका छन् । 

उनीहरु पहिलो श्रेणीको सम्झौताबाट दोस्रो श्रेणीमा झारिएका छन् ।

Categorized in स्पाेर्ट्स