अभिषेक बच्चन पनि कोरोना मुक्त हुँदै घर फर्केका छन् ।

आज ट्वीटरमा ट्वीट गदै अभिषेकले आफ्नो पछिल्लो कोरोना परिक्षणको रिपोर्ट नेगेटिभ आएको जानकारी दिएका हुन् ।

ट्वीटमार्फत उनले आफु र आफ्नो परिवारको लागि प्रार्थना गर्ने सबैलाई कृतज्ञता व्यक्त गरे ।

साथै आफ्नो उपचारमा खटिने नानावटि अस्पतालका नर्स र डाक्टरहरुप्रति आभार पनि प्रकट गरे ।

आफ्नो ट्वीटमा उनले लेखेको छन्, ‘बचन भनेको बचन नै हो । आज दिउँसो मेरो कोरोना परिक्षणको रिपोर्ट नेगेटिभ आएको छ । मैले भनेको थिएँ नि, मैले यसलाई हराउँछु भनेर ।’

A promise is a promise!
This afternoon I tested Covid-19 NEGATIVE!!! I told you guys I’d beat this. thank you all for your prayers for me and my family. My eternal gratitude to the doctors and nursing staff at Nanavati hospital for all that they have done. THANK YOU!

— Abhishek Bachchan (@juniorbachchan) August 8, 2020

 

अभिषेकका पिता अमिताभ बच्चनले पनि ट्वीट गर्दै आफ्नो छोरा कोरोना मुक्त भएकोमा खुसी व्यक्त गर्दै सबै शुभचिन्तकलाई धन्यवाद व्यक्त गरेका छन् ।

केही दिन अघि मात्र अमिताभ बच्चन कोरोना पोजेटिभ देखिएका थिए भने पछि उनको परिवारको परिक्षण गरिँदा उनका छोरा अभिषेक, बुहारी ऐश्वर्या राय बच्चन र नातिनी आराध्यामा पनि संक्रमण पोजेटिभ देखिएको थियो ।

ऐश्वर्या र आराध्या शुरुमै निको भएर घर फर्केका थिए भने अमिताभ पनि केही दिन अघिमात्रै निको भई अस्पतालबाट डिस्चार्ज भएका थिए ।

आज अभिषेक पनि कोरोना संक्रमणबाट निको भएसँगै सम्पूर्ण बच्चन परिवार कोरोना मुक्त भएका छन् ।

Categorized in पेजथ्री