बागलुङमा जीप दुर्घटना हुँदा ५ को मृत्यु
SamacharDesk | २०८१ कार्तिक २६, सोमबार
बागलुङको जैमिनी नगरपालिका–८ छिस्तीबाट सदरमुकाम बागलुङ बजार आउँदै गरेको पिकअप भ्यान दुर्घटना हुँदा ५ जनाको मृत्यु भएको छ ।
मृत्यु भएका पाँचै जनाको पहिचान भएको जनाइएको छ । बागलुङको जैमिनी नगरपालिका–८ छिस्तीबाट बागलुङ बजार आउँदै गरेको ग२च ९२४७ नम्बरको भ्यान आज बिहान दुर्घटना भएको हो ।
भ्यानमा चालकसहित ६ जना रहेका थिए । मृत्यु हुनेमा जीपका चालक बागलुङ जैमिनी–८ छिस्ती केवइका ३८ वर्षीय महेन्द्र पुन, सोही ठाउँका २० वर्षीया रश्मी श्रीष, ५० वर्षीया नन्दकली पुन, १७ वर्षीय निरज श्रीष र ७५ वर्षीय कुलप्रसाद श्रीष रहनुभएको छ ।
भ्यान सडकदेखि पाँच सय मिटरभन्दा धेरै तल खसेको जनाइएको छ। दुर्घटनामा घाइते हुनुभएका सोही ठाउँका ४५ वर्षीय गङ्गाबहादुर श्रीष शरीरको विभिन्न भागमा चोट लागेको छ ।
उहाँलाई उपचारका लागि धौलागिरि अस्पतालमा उपचार भइरहेको छ ।
यसैगरी हिजो कालीकोटमा बोलेरो गाडी दुर्घटना हुँदा ७ जनाको मृत्यु भएको थियो । घाईते भएका १२ जनाको उपचार भने सुर्खेतमा भई रहेको छ ।
Categorized in समाज
