वायर्न म्यूनिख एकै सिजनमा दुई उपाधि जित्न सफल
SamacharDesk – आकाश राजोपाध्याय | २०७७ आषाढ २१, आइतबार
डिएफबी पोकल जर्मन नकआउट फुटबलकपको उपाधि वायर्न म्यूनिखले जितेको छ ।
शनिबार भएको खेलमा वायर्न म्युनिखले लेभरकुजेनलाई ४–२ गोलले पराजित गर्दै उपाधि कब्जा गरेको हो ।
यो सहित वायर्न २०औं पटक जर्मन कप च्याम्पियन बनेको छ ।
यसअघि वायर्नले यसै सिजनमा जर्मन बुन्डेसलिगाको उपाधि पनि जितिसकेको छ ।
यो जितसँगै वायर्न म्यूनिख एकै सिजनमा १३औं पटक लिग र कप दुवैको उपाधि जित्न सफल टिम बनेको छ ।
ओलम्पिया स्टेडियममा बिना दर्शक खेलाइएको खेलमा वायर्नका लागि डेभिड अलाबाले १६ औं मिनेटमा पहिलो गोल गरेका थिए । २४ औं मिनेटमा सर्ज जिनर्बीले गोल थप्दै अग्रता दोब्बर बनाए ।
रोबर्ट लेवान्डोस्किले ५९ औं र ८९ औं मिनेटमा एक÷एक गोल गरे ।
योसँगै रोबर्ट लेवान्डोस्किले सिजनमा आफ्नो ५०औं गोल पूरा गरेका छन् ।
त्सस्तै लेभरकुजेनको लागि स्वेन बेन्डरले ६३ औं मिनेटमा र काई हावर्त्जले दोस्रो हाफको इन्जुरी टाइमको पाँचौ मिनेटमा पेनाल्टी मार्फत गोल गरेका थिए ।
गत डिसेम्बरमा बराबरीमा रोकिएको वायर्नले योसँगै लगातार १७ खेलमा जित हात पारिसकेको छ भने २६ खेलमा अपराजित रहेको छ ।
Categorized in स्पाेर्ट्स
