कक्षा १२ को नतिजा सार्वजनिक
SamacharDesk | २०८१ श्रावण १८, शुक्रबार
राष्ट्रिय परिषा बोर्डले कक्षा १२ को नतिजा सार्वजनिक भएको छ ।
परीक्षा बोर्डले शुक्रबार विहान सार्वजनिक गरेको नतिजा अनुसार ५२ दशमलव ९१ प्रतिशत विद्यार्थी उत्तीर्ण भएका छन् ।
गत वैशाख १४ गतेबाट सञ्चालित परीक्षामा पाँच हजार ५४२ विद्यालयका नियमिततर्फ तीन लाख ८५ हजार ६३२ परीक्षार्थी सहभागी भएकोमा दुई लाख ३ हजार ८४७ जना उत्तीर्ण भएका हुन् ।
उत्तीर्ण संख्या मध्ये २ दशमलव ८१ देखि ३ दशमलव २० जीपीए प्राप्त गर्ने विद्यार्थी संख्या सवैभन्दा बढी छ । उक्त जीपीए प्राप्त गर्ने संख्या ७८ हजार ७५ रहेको परीक्षा बोर्डले जनाएको छ ।
यस्तै, २ दशमलव ४१ देखि २ दशमलव ८ जीपीए प्राप्त गर्ने विद्यार्थीको संख्या ६१ हजार ३६ रहेको छ भने ३ दशमलव २१ देखि ३ दशमलव ६ जीपीए प्राप्त गर्ने विद्यार्थी संख्या ४६ हजार ८ सय ९३ जना रहेको छ ।
सबैभन्दा माथिल्लो जीपीए ३ दशमलव ६१ देखि ४ ल्याउने विद्यार्थी ९ हजार ५ सय ९१ रहेको पनि परीक्षा बोर्डले जनाएको छ ।
गत वैशाख १४ गतेबाट सञ्चालित परीक्षामा नियमित र ग्रेड वृद्धितर्फ गरी कुल ४ लाख ९१ हजार ४ सय ९७ विद्यार्थी सहभागी भएका थिए ।
ग्रेड वृद्धितर्फ विसं २०७८ र २०७९ सालका परीक्षार्थी मध्ये २८ दशमलव २६ प्रतिशत परीक्षार्थी उत्तीर्ण भएका छन् भने २०७६ र २०७७ सालका ग्रेड वृद्धि परीक्षार्थी मध्ये ६२ दशमलव ५ प्रतिशत उत्तीर्ण भएका छन् ।
Categorized in राष्ट्रिय
