थप ७ जनाको कोरोना संक्रमणका कारण मृत्यु, ४ जना काठमाडौं उपत्यकाबाट
SamacharDesk – बिकाश | २०७७ आश्विन २, शुक्रबार
नेपालमा पछिल्लो २४ घन्टामा कोरोनाभाईरस (कोभिड १९) का कारण थप ७ जनाको मृत्यु भएको छ ।
तीमध्ये २ जना महिला रहेका छन् भने पाँच जना पुरुष छन् ।
मृत्यु हुने ७ जनामध्ये ४ जना काठमाडौं उपत्यकाबाट रहेका छन् ।
काठमाडौंमा ८५ वर्षीया महिलाको साथमा ८८ वर्षीय पुरुषको कोरोना संक्रमणका कारण मृत्यु भएको छ भने भक्तपुरमा ८२ वर्षीय पुरुष र ललितपुरमा ६६ वर्षीया महिलाको पनि कोरोना संक्रमणबाटै मृत्यु भएको छ ।
मोरङमा ६६ वर्षका पुरुषहरु २ जनाको साथमा नवलपरासीमा ३१ वर्षीय पुरुषको पनि मृत्यु भएको छ ।
योसँगै नेपालमा कोरोना संक्रमणका कारण मृत्यु हुनेको संख्या ३ सय ९० पुगेको छ ।
Categorized in समाज
