नेपालमा पछिल्लो २४ घन्टामा एक सय एक जनामा कोरोना भाईरस (कोभिड १९)को संक्रमण पुष्टि भएको छ ।

स्वास्थ्य तथा जनसंख्या मन्त्रालयले नेपालमा कोभिड १९ बाट संक्रमितको कुल संख्या १७ हजार ४ सय ४५ पुगेको जनाएको छ । 

पछिल्लो २४ घन्टामा थप २ सय ८५ जना संक्रमित निको भएर घर फर्केका छन् । योसँगै निको हुनेको कुल संख्या ११ हजार ५ सय ३४ पुगेको छ ।

आजसम्ममा पिसिआर विधिबाट ३ लाख ८ हजार ४ सय ९८ जनाको परिक्षण भएको छ । पछिल्लो २४ घन्टामा ४ हजार ६ सय ८८ वटा नमूनाको परिक्षणहरु भएका छन् ।

देशभरमा क्वारेन्टीनमा रहनेको संख्या २२ हजार ७ सय ५६ छ भने आइसोलेसनमा रहेर उपचाररत संक्रमितको संख्या ५ हजार ८ सय ७१ जना रहेको छ ।

कोरोना संक्रमणका कारण मृत्यु हुनेको संख्या ४० रहेको छ । सप्तरी राजविराजका ७३ वर्षीय संक्रमित पुरुषको हिजो राती मृत्यु भएको स्वास्थ्य मन्त्रालयले जनाएको छ ।

Categorized in राष्ट्रिय