कुल संक्रमित संख्या १८ हजार नजिक
SamacharDesk – विकाश | २०७७ श्रावण ६, मंगलबार
नेपालमा कोभिड १९ बाट संक्रमितको संख्या १८ हजार नजिक पुगेको छ ।
पछिल्लो २४ घन्टामा एक सय ५० जना कोरोना भाईरस (कोभिड १९) का नयाँ संक्रमित थप भएका छन् ।
आजको थप संख्यासँगै नेपालमा कोभिड १९ बाट संक्रमितको कुल संख्या १७ हजार ९ सय ९४ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घन्टामा ६ सय ९ जना संक्रमित निको भएर घर फर्केका छन् । योसँगै निको हुनेको कुल संख्या १२ हजार नाघेको छ । निको हुनेको संख्या १२ हजार ४ सय ७७ पुगेको छ ।
आजसम्ममा पिसिआर विधिबाट ३ लाख २३ हजार ४ सय १६ जनाको परिक्षण भएको छ । पछिल्लो २४ घन्टामा ३ हजार ९ सय ६३ वटा नमूनाको परिक्षणहरु भएका छन् ।
देशभरमा क्वारेन्टीनमा रहनेको संख्या २१ हजार ७ सय ४ छ भने आइसोलेसनमा रहेर उपचाररत संक्रमितको संख्या ५ हजार ४ सय ७७ जना रहेको छ ।
कोरोना संक्रमणका कारण मृत्यु हुनेको संख्या ४० रहेको छ ।
Categorized in राष्ट्रिय
