पछिल्लो २४ घन्टामा एक सय ४७ जनामा कोरोना भाईरस (कोभिड १९) को संक्रमण पुष्टि भएको छ ।

आजको थप संख्यासँगै नेपालमा कोभिड १९ बाट संक्रमितको कुल संख्या १८ हजार २ सय ४१ पुगेको स्वास्थ्य तथा जनसंख्या मन्त्रालयले जनाएको छ । 

पछिल्लो २४ घन्टामा १ सय ५६ जना संक्रमित निको भएर घर फर्केका छन् । योसँगै निको हुनेको कुल संख्या १२ हजार ८ सय ४० पुगेको छ ।

आजसम्ममा पिसिआर विधिबाट ३ लाख ३१ हजार ९५ जनाको परिक्षण भएको छ । पछिल्लो २४ घन्टामा ३ हजार ४ सय ८१ वटा नमूनाको परिक्षणहरु भएका छन् ।

देशभरमा क्वारेन्टीनमा रहनेको संख्या २० हजार ९८ छ भने आइसोलेसनमा रहेर उपचाररत संक्रमितको संख्या ५ हजार ३ सय ५८ जना रहेको छ ।

कोरोना संक्रमणका कारण मृत्यु हुनेको संख्या ४३ पुगेको छ । हिजो वीरगंजका ७० वर्षीय कोरोना संक्रमित पुरुषको मृत्यु भएको स्वास्थ्य मन्त्रालयले जनाएको छ ।

Categorized in राष्ट्रिय