निषेधाज्ञाको पहिलो दिन ७०७ जना नयाँ संक्रमित थप
SamacharDesk – बिकाश | २०७७ भाद्र ४, बिहिबार
नेपालमा पछिल्लो २४ घन्टामा ७ सय ७ जनामा कोरोना भाईरस (कोभिड १९) को संक्रमण पुष्टि भएको छ ।
तीमध्ये २ सय जना काठमाडौं उपत्यकाकै रहेका छन् । पछिल्लो परिक्षणबाट काठमाडौंमा एक सय ७४ जना, ललितपुरमा १८ र भक्तपुरमा ८ जना नयाँ संक्रमित भेटिएका छन् ।
योसँगै कोभिड १९ बाट संक्रमितको कुल संख्या २९ हजार ६ सय ४५ पुगेको छ ।
पछिल्लो पटक दुइ सय ६४ जना संक्रमित निको भएका छन् । योसँगै नेपालमा कोरोना निको हुनेको कुल संख्या १७ हजार ९ सय ६४ पुगेको छ ।
आजसम्ममा पिसिआर विधिबाट ५ लाख ६६ हजार २ सय २० जनाको परिक्षण भएको छ । पछिल्लो २४ घन्टामा ११ हजार ८ सय ३२ वटा नमूनाको परिक्षणहरु भएका छन् ।
देशभरमा क्वारेन्टीनमा रहनेको संख्या ११ हजार ७ सय ६८ रहेको छ ।
सक्रिय संक्रमितको संख्या ११ हजार ५ सय ५५ जना रहेका छन् । तीमध्ये संस्थागत आइसोलेसनमा ८ हजार ८३ र ३ हजार ४ सय ७२ होम आइसोलेसनमा छन् ।
कोरोना संक्रमणका कारण मृत्यु हुनेको संख्या एक सय २६ पुगेको छ । आज थप ६ जना संक्रमितको मृत्यु भएको स्वास्थ्य मन्त्रालयले जनाएको छ ।
Categorized in राष्ट्रिय
