नेपालमा आज एक हजार १ सय ७२ जनामा कोरोना भाईरस (कोभिड १९) को संक्रमण पुष्टि भएको छ ।

तीमध्य काठमाडौं उपत्यकामा ६ सय ३७ जना नयाँ संक्रमित भेटिएका छन् । जसमध्ये ४ सय ९२ काठमाडौंका छन् भने ललितपुरमा ५० जना र भक्तपुरमा ९५ जना रहेका छन् ।

स्वास्थ्य  तथा जनसंख्या मन्त्रालयका अनुसार पछिल्लो २४ मा ९ हजार ४ सय ९७ जनाको पीसीआर परीक्षण गर्दा ११७२ जनामा संक्रमण देखिएको हो ।  आजसम्ममा पिसिआर विधिबाट कुल ९ लाख ४४ हजार ४ सय ७४ जनाको परिक्षण भएको छ । 

योसँगै कोभिड १९ बाट संक्रमितको कुल संख्या ६७ हजार ८ सय ४ पुगेको छ ।

त्यस्तै  १ हजार ८ सय ९३ जना संक्रमित निको भएका छन् । योसँगै नेपालमा कोरोना निको हुनेको कुल संख्या ४९ हजार ९ सय ५४ जना पुगेको छ  ।

सक्रिय संक्रमितको संख्या १८ हजार १ सय ४२ जना रहेका छन् । 

आज थप ७ जना संक्रमितको मृत्यु भएको स्वास्थ्य मन्त्रालयले जनाएको छ भने कोरोना संक्रमणका कारण मृत्यु हुनेको संख्या ४ सय ३६ पुगेको छ । 

 

Categorized in राष्ट्रिय