एक हजार ९११ नयाँ संक्रमित थप, सक्रिय संक्रमित २१ हजार नाघ्यो
SamacharDesk – बिकाश | २०७७ आश्विन १५, बिहिबार
नेपालमा पछिल्लो २४ घन्टामा १ हजार ९ सय ११ जनामा कोरोना भाईरस (कोभिड १९) को संक्रमण पुष्टि भएको छ ।
तीमध्ये ६ सय २८ जना महिला छन् भने एक हजार २ सय ८३ जना पुरुष रहेका छन् ।
योसँगै नेपालमा कोभिड १९ बाट संक्रमितको कुल संख्या ७९ हजार ७ सय २८ पुगेको छ ।
पछिल्लो पटक ९ सय ६१ जना संक्रमित निको भएका छन् । योसँगै नेपालमा कोरोना निको हुनेको कुल संख्या ५७ हजार ३ सय ८९ पुगेको छ ।
आजसम्ममा पिसिआर विधिबाट १० लाख ३३ हजार ९ सय ४७ जनाको परिक्षण भएको छ । पछिल्लो २४ घन्टामा १२ हजार ४ सय ४४ वटा नमूनाको परिक्षणहरु भएका छन् ।
देशभरमा क्वारेन्टीनमा रहनेको संख्या ५ हजार ७७ रहेको छ ।
सक्रिय संक्रमितको संख्या २१ हजार ८ सय ३० जना रहेका छन् ।
संस्थागत आइशोलेशनमा १० हजार ७ सय ६१ जना रहेका छन् भने होम आइशोलेशनमा रहनेको संख्या ११ हजार ६९ रहेका छन् ।
देशभरमा २ सय २० जना संक्रमितहरु आइसीयूमा उपचाररत छन् ।
प्रदेश एकमा २०, प्रदेश २ मा १८, वागमती प्रदेशमा एक सय ८, गण्डकी प्रदेशमा ६, प्रदेश ५ मा ५२, कर्णाली प्रदेशमा १५ र सुदुरपश्चिम प्रदेशमा एक जना आइसीयूमा उपचाररत छन् ।
त्यस्तै प्रदेश एकमा ३ जना, वागमती प्रदेशमा १९ र प्रदेश ५ मा ३ जना गरी २५ जना भेन्टिलेटरमा छन् ।
कोरोना संक्रमणका कारण मृत्यु हुनेको संख्या ५ सय ९ पुगेको छ । आज एक महिला र १० जना पुरुष गरी जम्मा ११ जना संक्रमितको मृत्यु भएको स्वास्थ्य मन्त्रालयले जनाएको छ ।
Categorized in राष्ट्रिय
