नेपालमा पछिल्लो २४ घन्टामा गरिएको परिक्षणमा जम्मा ६ दशमलव ३४ प्रतिशतमा कोभिड १९ संक्रमण देखिएको छ ।

५ हजार १२ जनाको स्वाब नमूना परिक्षण गरिएकोमा एक सय १२ महिला र २ सय ६ जना पुरुष गरी ३ सय १८ जनामा संक्रमण देखिएकाे हाे ।

योसँगै नेपालमा कोभिड १९ बाट संक्रमित हुनेको कुल संख्या २ लाख ६८ हजार ३ सय १० पुगेको छ । कुल आरटी पिसिआर परिक्षण संख्या भने २० लाख २६ हजार ७ सय २६ पुगेको छ ।

गएको २४ घन्टामा ३ सय ८३ जना संक्रमित निको भएका छन् । हालसम्म २ लाख ६२ हजार ६ सय ४२ जना संक्रमित निको भइसके ।

पछिल्लो पटक ६ जना संक्रमितको मृत्यु भएसँगै कोरोनाका कारण मृत्यु हुनेको संख्या एक हजार ९ सय ७५ पुगेको ।

३ हजार ६ सय ९३ जना सक्रिय संक्रमित उपचाररत अवस्थामा छन् । तीमध्ये ८ सय २९ जना संस्थागत आइसोलेसनमा उपचाररत छन् भने २ हजार ८ सय ६४ जना होम आइसोलेसनमा छन् ।

भोजपुर, कालिकोट, रुकुमपश्चिम र मुगुमा सक्रिय संक्रमितको संख्या शुन्य रहेको छ भने ५ सय बढि सक्रिय संक्रमित काठमाडौंमा मात्रै छ । काठमाडौंमा जम्मा २ हजार एक सय ५५ सक्रिय संक्रमित उपचाररत छन् ।

Categorized in राष्ट्रिय