उदयपुरको त्रियुगा नगरपालिका–३ भुल्केमा थप एक जनामा कोरोना भाइरस (कोभिड(१९) को संक्रमण पुष्टि भएको छ ।

विराटनगरको प्रयोगशालामा गरिएको परीक्षणमा महिलामा कोरोना पोजेटिभ देखिएको हो।

दोस्रो पटक संकलन गरिएको थ्रोट स्वाब परीक्षण गर्दा शनिबार थप एकजनामा संक्रमण देखिएको हो । 

४३ वर्षीया महिलामा कोरोना संक्रमण पुष्टि भएको कोशी अस्पताल विराटनगरले जनाएको छ ।

आज बिहान मात्र उदयपुरका तीन जनासँगै ७ जनामा कोरोना संक्रमण पुष्टि भएको थियो ।

कपिलबस्तुका तीन र पर्साका एक जनामा पनि कोरोना संक्रमण पुष्टि भएको थियो ।

योसँगै आजैमात्र उदयपुरमा ४ र देशैभरमा ८ जनामा कोरोना संक्रमण पुष्टि भएको छ ।

विहान संक्रमण पुष्टि भएका उदयपुरका ३ जना महिलालाई विराटनगरको कोसी अस्पताल भर्ना गरिएको छ । 

साँझमा थप भएकि संक्रमितलाई भने भोलि अस्पताल पठाइने तयारी भएको छ ।

संक्रमित सबैको स्वास्थ्य अवस्था सामान्य छ ।

देशैभरिमा कोरोना संक्रमितको संख्या भने एक सय १० पुगेको छ । तीमध्ये ३१ जना निको भइसकेका छन् । निको भएकामध्ये ३ जनामा पुनः संक्रमण देखिएर उपचारका लागि अस्पताल भर्ना भएका छन् ।

Categorized in राष्ट्रिय