एकैपटक ५३ जनामा संक्रमण पुष्टि, संक्रमितको संख्या ३५७
SamacharDesk – विकाश | २०७७ जेठ ५, सोमबार
सोमबार बाँकेमा ४७ जना सहित एकैपटक ५३ जनामा कोरोना भाइरस (कोभिड–१९) संक्रमण पुष्टि भएको छ ।
बाँकेमा मात्र ४७ जनाको साथै गुल्मी, मोरङ, धनुषा, रौतहट, दाङ र धादिङमा १/१ जना गरी ६ जनामा पनि सोमबार नै कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
थप भएका नयाँ संक्रमितहरु १८ देखि ३६ वर्ष उमेर समूहका रहेको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिएका छन् ।
मन्त्रालयको नियमित प्रेस व्रिफिङमा मन्त्रालयका प्रवक्ता डा. देवकोटाले संक्रमितहरुको स्थायी ठेगानाको साथै हालको ठेगानामा कन्ट्याक ट्रेसिङ सुरु भइसकेको बताए ।
बाँकेका ४७ जना संक्रमित मध्ये ४६ जना पुरुष र १ जना महिला रहेको छ ।
भेरी अस्पतालको प्रयोगशालामा गरिएको परीक्षणमा ती ४७ जनामा संक्रमण पुष्टि भएको हो ।
योसँगै नेपालमा कुल संक्रमितको संख्या ३५७ पुगेको छ । जसमध्ये २ दुईजनाको निधन भइसकेको छ भने ३६ जना उपचारपछि निको भएका छन् ।
निको हुनेमा ३ जनामा पुनः संक्रमण देखिएर हाल उपचाररत छन् ।
Categorized in राष्ट्रिय
