प्रहरी नायव महानिरीक्षक पोखरेललाई विदाई
SamacharDesk – समाचारडेस्क रिपाेर्टर | २०८१ आश्विन १४, सोमबार
निमित्त प्रहरी महानिरीक्षक प्रहरी अतिरिक्त महानिरीक्षक टेक प्रसाद राईले प्रहरी सेवाबाट हालै सेवा निवृत्त भएका प्रहरी नायव महानिरीक्षक यज्ञ विनोद पोखरेललाई विदाई गरेका छन् ।
सोमबार नेपाल प्रहरी प्रधान कार्यालयमा आयोजित कार्यक्रमका बिच निमित्त प्रहरी महानिरिक्षक प्रहरी अतिरिक्त महानिरिक्षक राईले प्रहरी नायव महानिरिक्षक पोखरेललाई बिदाइ गरेका हुन् ।
बिदाइ समारोहमा बोल्दै निमित्त प्रहरी महानिरीक्षक राईले सेवा निवृत्त भएका प्रहरी नायव महानिरीक्षक पोखरेलले संगठनबाट सुम्पिएको जिम्मेवारी इमानदारीताका साथ सम्पन्न गरेको उल्लेख गरे ।
आफ्नो अविछिन्न लामो सेवाबाट नागिरक र संगठनलाई दिएको योगदानको प्रशंसा गर्दै राईले पोखरेललाई अवकाश पछिको व्यावसायिक एवम् सुखमय पारिवारिक जीवनको शुभकामना समेत दिए ।
कार्यक्रममा सेवा निवृत्त भएका प्रहरी नायव महानिरीक्षक पोखरेलले आफ्नो सेवा अवधिमा गरेका अनुभव सुनाएका थिए ।
सेवा निवृत्त भएका प्रहरी नायव महानिरीक्षक पोखरेल वि.सं. २०५२ कात्तिक २७ गते प्रहरी निरीक्षक पदमा नियुक्त भई प्रहरी सेवामा प्रवेश गरेका थिए ।
प्रहरी नायव महानिरीक्षक पोखरेल असोज १४ गतेबाट सेवा निवृत्त भएका हुन् ।
Categorized in समाज
