आकर्षक तलबको प्रलोभनमा पारी वैदेशिक रोजगारीमा पठाइदिन्छु भन्दै रकम ठगी गरेको अभियोगमा काठमाडौंबाट एक व्यक्ति पक्राउ परेका छन् ।

युएई पठाइदिन्छु भन्दै लाखौं रुपैयाँ ठगी गरेको अभियोगमा सिन्धुपाल्चोक चौतारा साँगाचोकगढी नगरपालिका–१ का काठमाडौं कागेश्वरी मनोहरा नगरपालिका–९ बस्ने ३० वर्षीय दिपेश श्रेष्ठलाई प्रहरीले पक्राउ गरेकोे हो ।

श्रेष्ठलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीको टोलीले काठमाडौं कागेश्वरी मनोहरा नगरपालिका–९ बाट पक्राउ गरेको हो ।

श्रेष्ठले युएई पठाइदिन्छु भन्दै ४ लाख रूपैयाँ लिई सम्पर्कबिहीन भएको पिडितको भनाई छ ।

श्रेष्ठलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको प्रहरीले बताएको छ ।

Categorized in अपराध