आश्विन शुक्ल सप्तमीका दिन आज फूलपाती हनुमान ढोका दरवारमा भित्र्र्याइएको छ ।

शास्त्रीय विधिअनुसार गोरखाबाट ल्याइएको उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष रहेको फूलपाती जमलस्थित जमलेश्वर महादेव मन्दिरमा ल्याइपु¥याई त्यहाँबाट गुरुजुको पल्टन तथा ब्याण्डबाजा, पञ्चेबाजा र सांस्कृतिक बाजागाजा सहितको लावालस्करका साथमा फूलपाती हनुमानढोकाको दसैँ घरमा भित्र्र्याइएको हो ।

विहीबार हनुमानढोकाको नासल चोकमा कालो बोकाको बलीसहित तान्त्रिक पूजा गरी फुलपाती भित्र्याइएको छ । यसैबीच सुरक्षा निकायका विभिन्न गणहरुको झण्डाहरुमा मौला पूजा समेत गरिएको छ । विहीबारै सैनिक मञ्च टुंडिखेलमा नेपाली सेनाले फूलपातीको बढाइँ गरेको छ ।

सो अवसरमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री केपी शर्मा ओली प्रधानन्यायाधीश प्रकाशमान सिंह राउत, सभामुख देवराज घिमिरे र राष्ट्रिय सभाका अध्यक्ष नारायणप्रसाद दाहाल लगायत संवैधानिक निकायका प्रमुख, मन्त्री र उच्च पदस्थ सरकारी अधिकारीहरुले फूलपातीको बढाइँ अवलोकन गर्नु भएको थियो ।

सेनाले सो अवसरमा विभिन्न सैन्य कलाकौशलहरु प्रदर्शन गरेका थिए ।

Categorized in राष्ट्रिय