भजन संगीतज्ञ नकर्मीको अन्त्येष्टि सम्पन्न
SamacharDesk – बिकाश | २०७७ कार्तिक २५, मंगलबार
भजन संगीतज्ञ भीमबहादुर नकर्मीको अन्त्येष्टि आज बलम्बु दिपमा सम्पन्न भएको छ ।
स्वर्गीय नकर्मीलाई उनका छोरा मनराजा नकर्मीले दागबत्ती दिए ।
९२ वर्षका भजन संगीतज्ञ नकर्मीको सोमबार बेलुकी ८ बजे निधन भएको थियो ।
एक वर्ष अगाडी उनको छातीमा पानी भरिएर स्वास्थ्यमा समस्या देखापरेको थियो । त्यहि बेलाबाट उनलाई श्वासप्रश्वासको समस्या भइरहेको थियो ।
स्वर्गीय नकर्मीले नेपालभाषाका थुप्रै भजनहरुको साथमा आधुनिक गीतमा पनि संगीत दिनुभएको छ ।
नेपालका चर्चित तवला वादक मनराजा स्वर्गीय नकर्मीका सुपुत्र हुनुहुन्छ भने चर्चित नायिका आशिष्मा नकर्मी उनकी नातीनि हुन् ।
Categorized in पेजथ्री
