सर्वाेच्च कमाण्डर तथा सर्वमान्य नेता स्व. गणेशमान सिंहको ११०औं जन्मजयन्ती मनाइएको छ ।

नेपालको राजनीतिमा त्याग र साहसको उदाहरण बनेका सिंह सबैको लागि एक प्रेरणादायी सर्वाेच्च नेता हुनुहुन्छ । २०४६ सालको जनआन्दोलनको सफलतापछि तत्कालीन राजा वीरेन्द्र शाहले उनलाई प्रधानमन्त्री बन्न आग्रह गरेका थिए ।

तर उहाँले कुनै पद तथा लोभलालचमा नलागी सदैव नेपाली जनताको हितमा लागि रहने नेताको रुपमा उभ्याउन सफल हुनुभएको थियो ।

वि.सं. १९७२ सालमा क्षेत्रपाटीमा जन्मनु भएका सिंहको २०५४ साल असोज २ गते निधन भएको थियो ।

काठमाडौंको एक सम्पन्न परिवारमा जन्मनु भएका सिंह नेपालको पहिलो राजनीतिक दल प्रजा परिषद्का सदस्य बने र राणा शासनलाई हटाउने अभियानमा सामेल भएका थिए ।

यसै अवसरमा काठमाडौंमा आयोजित एक कार्यक्रममा राष्ट्रपति रामचन्द्र पौडेलले मुलुकको सांस्कृतिक, सामाजिक र आर्थिक विकास गर्न सरकार र राजनीतिक दलहरु चुक्न नहुने बताउनुभएको छ ।

संघीय लोकतान्त्रिक गणतन्त्रात्मक शासन प्रणालीको जगमा मुलुकको सांस्कृतिक, सामाजिक र आर्थिक विकास गर्न सरकार र राजनीतिक दलहरु चुक्न नहुने उहाँको भनाई छ ।

राष्ट्रपति पौडेलले मुलुकभित्रै आफ्नो भाग्य र भविष्य सुनिश्चित छ भनेर सुखद् चाहना राख्ने हरेक नेपाली युवाको सपना साकार पार्न यहि व्यवस्थामै सम्भव छ भन्नुभयो ।

Categorized in राष्ट्रिय