सर्वाेच्च नेता गणेशमान सिंहको २५औं स्मृति दिवस मनाईंदै
SamacharDesk | २०७९ आश्विन २, आइतबार
नेपाली कांग्रेसका संस्थापक तथा २०४६ सालको आन्दोलनका सर्वोच्च नेता स्वर्गीय गणेशमान सिंहको २५औं स्मृति दिवस आज मनाइरहेको छ ।
सो अवसरमा कांग्रेसका नेता प्रकाशमान सिंहले सत्ता गठबन्धनका सबै दलहरुलाई चित्त बुझाउने गरी सिट बाँडफाँट गरिने दाबी गर्नुभएको छ ।
काठमाडौंको शोभाभगवतीमा आयोजित कार्यक्रममा नेता सिंहले चुनावसम्म सवैलाई मिलाएर लैजाने बताउनुभयो ।
सिट बाँडफाँट चुनौतीपूर्ण रहेको स्वीकार्दै उहाँले सजिलो नभए पनि सवैलाई चित्त बुझाएर लैजाने र उचित समयमा निर्णयमा पुग्ने दाबी गर्नुभयो ।
कार्यक्रममा नेता सिंहलगायतका कांग्रेस नेता कार्यकर्ताले स्वर्गीय सिंहको प्रतिमामा माल्यार्पर्ण गरेका थिए ।
Categorized in राष्ट्रिय
