डेंगी सक्रमण बढेपछि स्वास्थ्य मन्त्रालयले रोकथामका र नियन्त्रणका लागि कार्यालय सरसफाइ अभियान शुरु गरेको छ ।

स्वस्थ नेपाल र निरोगी नेपालीका लागि हप्ताको एक दिन कार्यालय÷घर सरसफाइ अभियान शुरु गरेको हो ।

मन्त्रालयले हरेक हप्ताको एक दिन शुक्रबार घर तथा कार्यालयहरु सफा गर्न एक घण्टा समय दिन सबैसँग आग्रह गरेको छ ।

अभियानको पहिलो दिन आज शुक्रबार स्वास्थ्यमन्त्री प्रदीप पौलसहित मन्त्रालयका कर्मचारीहरुले विहान १० देखि ११ बजेसम्म एक घण्टा सरसफाई अभियानमा सहभागी भएका छन् ।

मन्त्रालयबाट सुरु गरिएको अभियान सहर हुँदै गाउँसम्म नै पुग्ने र यसले भविष्यका लागि समेत स्वस्थ रहन मद्दत पुर्यााउने लक्ष्य मन्त्रालयको छ ।

अभियानबारे जानकारी दिनुहुँदै स्वास्थ्य मन्त्रालयका प्रवक्ता डा. प्रकाश बुढाथोकीले विगतका वर्षहरूलाई हेर्दा यस वर्ष सङ्ख्यात्मक रूपमा डेंगुको सङ्ख्या कम देखिए पनि जोखिम भदौ र असोज महिनामा बढी हुने भएकाले सरसफाइ अभियान सुरु गरेको बताउनुभयो ।

Categorized in राष्ट्रिय