मस्र्याङ्दी नदीमा भारतीय बस खस्यो, १४ जनाको मृत्यु
SamacharDesk | २०८१ भाद्र ७, शुक्रबार
तनहुँको आबुखैरेनी स्थित मस्र्याङ्दी नदीमा यात्रुवाहक बस खस्दा १४ जनाको मृत्यु भएको छ ।
प्रमुख जिल्ला अधिकारी जनार्दन गौतमका अनुसार आज शुक्रबार विहान करिब ११ः३० बजे यूपी ५३ एफटी ७६२३ नम्बरको भारतीय यात्रुवाहक बस आँबुखैरेनी गाउँपालिका वडा नम्बर–२ स्थित ऐन पहराबाट मस्र्याङ्दीमा बस खसेको जानकारी दिनुभयो ।
दिउँसो १ बजेसम्म १४ जनाको शव घटनास्थलबाट बाहिर निकालिएको सशस्त्र प्रहरीका सहप्रवक्ता तथा डीएसपी शैलेन्द्र थापाले जानकारी दिए ।
प्रारम्भिक जानकारीअनुसार बसमा बस चालक र सहचालकसहित ४३ जना यात्रु रहेको जनाइएको छ ।
१६ जना घाइतेलाई उद्धार गरी उपचारका लागि स्थानीय अस्पतालमा पठाएको जानकारी समेत दिए ।
दुर्घटनास्थलमा नेपाल प्रहरी, सशस्त्र प्रहरीको गोताखोरसहितको उद्धार टोली खटिएको छ ।
Categorized in राष्ट्रिय
