अमेरिकामा हिजोबाट कोरोना भाइरसविरुद्धको खोप दिन सुरु गरिएको छ । पहिलो चरणमा कोरोना जोखिमका बीच अग्रपंक्तिमा खटिएका स्वास्थ्यकर्मीहरुलाई खोप वितरण शुरु गरिएको हो ।

यसैक्रममा आइसीयूमा सेवा दिँदै आएकि न्यूयोर्कको लोन्ग आइल्याण्डकी एक नर्सलाई पहिलो खोप दिँदै खोप वितरण शुरु गरिएको छ ।

अमेरिकाले फाइजरको खोप प्रयोगमा ल्याएको हो । यो खोप ९५ प्रतिशत सुरक्षित रहेको बताइन्छ ।

ब्रिटेनमा यो खोपलाई पहिल्यै अनुमति दिइएको थियो । व्रिटेन र बहराइनले यो खोपलाई पहिल्यै मान्यता दिइसकेको छ ।

सोमबार एक सय ५० वटा अस्पतालमा यो भ्याक्सिन दिइएको अन्तर्राष्ट्रिय समाचार संस्थाहरुले जनाएका छन् ।

अमेरीकाले सन् २०२१ को अप्रिल महिनासम्म १० करोड जनालाई खोप दिने लक्ष्य राखेको बताइएको छ ।

कोरोना संक्रमणबाट सबैभन्दा बढि प्रभावित मूलुक अमेरीकामा हालसम्म एक करोड ६९ लाख ४३ हजार जना संक्रमित भइसकेका छन् भने ३ लाख ८ हजार ९१ जनाको मृत्यु भइसक्यो ।

९८ लाख ७२ हजार जनाले भने कोरोना भाईरसलाई हराई निको भइसकेका छन् ।

Categorized in अन्तर्राष्ट्रिय