काठमाडौंमा वायु प्रदूषण दिनदिनै अग्रस्थानमा पर्दैआएपछि स्वास्थ्य तथा जनसङ्ख्या मन्त्रालयले मास्क लगाउन आग्रह गरेको छ।

मन्त्रालयले काठमाडौंको हावा यतिबेला विश्वकै अस्वस्थकरको सूचीमा अग्रस्थानमा रहेकोले त्यसबाट जोगिन अनिवार्य मास्क लगाउन सुझाएको छ ।

मन्त्रालयले काठमाडौँमा वायु प्रदूषण अत्यधिक रहेकाले सकेसम्म घर बाहिर अनावश्यक ननिस्कन, यात्रा नगर्न र अत्यधिक प्रदूषित क्षेत्रबाट टाढा रहन अनुरोध गरेको छ ।

विश्वभरिको वायु प्रदूषणको अवस्था मापन गर्ने ‘वर्ल्ड एयर क्वालिटी इन्डेक्स–र्यागकिङ्ग’ अनुसार काठमाडौँको वायु विश्वकै अस्वस्थकरको सूचीमा अग्रस्थानमा छ। वायु प्रदुषणले मानव जीवनमा प्रत्यक्ष तथा अप्रत्यक्ष असर गर्दछ । 

वायु प्रदूषणले मुटु तथा रक्तनली, फोक्सो, मस्तिष्क, आँखा, नाक, कान, घाँटी आदिमा असर पुर्या।उनुका साथै दम, क्यान्सर आदिको जोखिम बढाउने बताइन्छ ।

वायु प्रदूषणले गर्दा कम तौल भएको बच्चा जन्मने र अवधि नपुग्दै बच्चा जन्मने जोखिमसमेत हुने चिकित्सकहरु बताउँछन् । यसका साथै प्रदूषणका कारण नेपालमा बर्सेनि हुने मृत्युमा बढीजसो पाँच वर्ष मुनिका बालबालिका, गर्भवती, दीर्घ रोगी र वृद्धवृद्धा बढी छन्।यसले नेपालीको औसत आयु चार दशमलव एक प्रतिशतले घटाएको तथ्याङ्क छ।

गर्मी समयमा तराईमा तातो हावा बहने र लू लाग्ने उच्च सम्भावना भएको हुँदा तातो हावा लागेको समयमा अनावश्यक बाहिर हिँडडुल नगर्न तथा झोलिलो पदार्थ पर्याप्त मात्रामा सेवन गर्न गराउनु हुन मन्त्रालयले अनुरोध गरेको छ।

Categorized in राष्ट्रिय