लिभरपुलले बेन्फिकालाई हरायो
SamacharDesk – आकाश राजोपाध्याय | २०७८ चैत्र २३, बुधबार
इंग्लिस क्लब लिभरपुलले युइएफए च्याम्पियन्स लिग क्वाटरफाइनलको पहिलो लेगमा जित निकालेको छ ।
मंगलबार राति भएको खेलमा लिभरपुलले पोर्चुगिज क्लब बेन्फिकालाई ३–१ गोलले हराएको हो ।
बेन्फिकाको मैदान स्टेडियो डा लुजमा इब्राहिमा कोनाटेले १७ औं मिनेटमा गोल गर्दै लिभरपुललाई सुरुआती अग्रता दिलाएका थिए ।
३४ औं मिनेटमा साडियो मानेले गोल गर्दै अग्रता दोब्बर बनाउँदा पहिलो हाफमा नै लिभरपुल २–०ले अघि रह्यो ।
खेलको दास्रो हाफमा डार्विन नुनेजले ४९ औं मिनेटमा गोल गर्दै बेन्फिकाका खेलमा फर्काउन चाहे ।
खेलको ८७ औं मिनेटमा लुइस डियाजले गोल गर्दै लिभरपुललाई ३–१ को जित दिलाए ।
यो जितसँगै लिभरपुलले पहिलो लेगमा २ गोलको अग्रता बनाउँदै सेमिफाइनल पुग्ने सम्भावना बलियो बनाएको छ।
अब दोस्रो लेग लिभरपुलको मैदानमा अप्रिल १४ मा हुनेछ ।
Categorized in स्पाेर्ट्स
