ईंग्लिस प्रिमियर लिग अन्तर्गत गए राती भएको खेलपछि म्यानचेस्टर युनाइटेडले शीर्ष स्थानको लिभरपुलसँग अंक बराबरी गर्न सफल भएको छ ।

गएराति खेलमा म्यानचेस्टर युनाइटेडले एस्टन भिल्लालाई २–१ गोलले पराजित गर्दै लिभरपुलसँग अंक बराबरी गरेको हो ।

म्यानयुकै मैदानमा भएको खेलमा घरेलु टोलीलाई लाई जिताउन ४० औँ मिनेटमा एन्थोनी मार्शलले गोल गर्दै टिमलाई अग्रता दिलाए । ५८औं मिनेट एस्टनभिल्लाका बेट्रान्ड ट्राओरीले गोल गर्दै खेललाई बराबरीमा ल्याए ।

६१ औ मिनेटमा पाएको पेनाल्टीमा ब्रुनो फेर्नान्डेसले गोल गर्दै म्यानयुको जित सुनिश्चित बनाए ।

यो जितसँगै दोस्रो स्थानको म्यानचेस्टर युनाइटेडको १६ खेलबाट ३३ अंक भएको छ । तालिकाको शीर्ष स्थानमा रहेको लिभरपुलको पनि समान खेलबाट समान १६ अंक नै भएको छ ।

गएराति नै सम्पन्न अर्को खेलमा वेष्ट ह्याम युनाइेटडले एभर्टनलाई १–० ले हराएको छ । टिमलाई जित दिलाउन खेलको करीब अन्तिम समयतिर वेस्टह्यामका टोमस सोसेकले गोल गरेका थिए ।

Categorized in स्पाेर्ट्स