विश्व स्वास्थ्य संगठन (डब्ल्यूएचओ)ले मंकीपक्स लाई अफ्रिकी देशका केही भागहरूमा जनस्वास्थ्य आपतकाल घोषणा गरेको छ।

अफ्रिकी मुलुकहरुमा एमपक्सको रुपमा परिचित मंकीपक्स रोगको संक्रमण दिनप्रतिदिन बढ्दै गएको डब्लूएचओको रिपोर्ट छ ।

संक्रमण बढ्दै गएपछि डब्लुएचओले स्वास्थ्य आपतकाल घोषणा गरेको अन्तर्राष्ट्रिय संचारमाध्यमले जनाएका छन् ।

मंकीपक्स बाँदर बिफर जस्तै भाइरल रोग हो। यो भाइरसको संक्रमणले सामान्यतया धेरै साइड इफेक्ट गर्दैन, तर दुर्लभ अवस्थामा यो घातक हुन सक्छ।

जसका कारण फ्लुजस्ता लक्षण देखिने र शरीरमा पिपले भरिएका घाउहरु देखा पर्छन् । यो भाइरस ओर्थोपक्स भाइरस जीनस परिवारको सदस्य हो ।

यो रोगले प्रजातान्त्रिक गणतन्त्र कंगोमा मात्र ४ सय ५० जना बढीको मृत्यु भैसकेको छ ।

वैज्ञानिकहरूले पछिल्लो समय मध्य र पूर्वी अफ्रिकाका भागहरूमा संक्रमण फैलिएकोले संक्रमणकै कारण धेरैको ज्यान जानसक्ने भन्दै चिन्ता व्यक्त गरेका छन् ।

यसैबीच डब्ल्यूएचओका प्रमुख टेड्रोस अधानोम गेब्रेयससले अफ्रिका भित्र र बाहिर मंकीपक्स फैलिने सम्भावना धेरै रहेकाले सावधानी अपनाउन आग्रह गर्नुभएको छ ।

यो संक्रमण भएका मध्ये ४ प्रतिशतको मृत्यु हुने गरेको छ ।

Categorized in अन्तर्राष्ट्रिय