भारतको मध्यप्रदेशका मुख्यमन्त्री शिवराज सिंह चौहानलाई कोरोना संक्रमण भएको छ । 

ट्वीटरमा ट्वीट गर्दै मुख्यमन्त्री चौहानले आफुलाई कोभिड १९ को संक्रमण भएको बताएका हुन् ।

ट्वीटमार्फत उनले आफुलाई कोभिड संक्रमण भएको र आफ्नो सम्पर्कमा आएकाहरुलाई कोरोना परिक्षण गर्न भनेका छन् ।

उनले ट्वीटरमा लेखेका छन् ‘मेरा प्रिय प्रदेशवासीहरु, ममा कोभिड १९  को लक्षणहरु देखिरहेको थियो, परिक्षणमा मेरो रिपोर्ट पोजेटिभ आएको छ ।’

उनले ट्वीटमा थपेका छन्, ‘मेरा सबै साथीहरुसँग अपिल छ कि जो कोही पनि मेरो सम्पर्कमा आएका छन्, तिनीहरुले आफ्नो कोरोना परिक्षण गराउनुहोला । मसँग नजिकको सम्पर्कमा भएकाहरु क्वारेन्टीनमा जानुहोला ।’

मेरे प्रिय प्रदेशवासियों, मुझे #COVID19 के लक्षण आ रहे थे, टेस्ट के बाद मेरी रिपोर्ट पॉज़िटिव आई है। मेरी सभी साथियों से अपील है कि जो भी मेरे संपर्क में आए हैं, वह अपना कोरोना टेस्ट करवा लें। मेरे निकट संपर्क वाले लोग क्वारन्टीन में चले जाएँ।

— Shivraj Singh Chouhan (@ChouhanShivraj) July 25, 2020

 

उनले आफुले कोभिड १९ को सबै निर्देशिकालाई पालन गर्दै गरेको र सेल्फ क्वारेन्टीनमा बस्ने बताएका छन् । 

साथै उनले समयमै उपचार गरे कोभिड १९ बाट पूर्ण रुपमा निको भइने आत्मविश्वास पनि व्यक्त गरेका छन् । 

२५ माचैबाट हरेक साँझ कोरोना संक्रमणको स्थितिको बारे समीक्षा बैठक गर्दै गरेको बताउँदै मुख्यमन्त्री चौहानले अब भिडियो कन्फ्रेन्सको माध्यमबाट यसलाई निरन्तरता दिने प्रयास गर्ने पनि बताएका छन् ।

यस अघि मध्यप्रदेशकै एक मन्त्री अरविन्द भदौरिया कोरोना संक्रमण भएर अस्पतालमा उपचाररत छन् ।

भौतिक दुरीको पालना नगरेको भन्दै मुख्यमन्त्री चौहान र उनका मन्त्रीहरुको निरन्तर आलोचना हुँदै आएको छ ।

Categorized in अन्तर्राष्ट्रिय