नेपालमा पछिल्लो २४ घन्टामा ४ सय ६८ जनामा कोरोना भाईरस (कोभिड १९) को संक्रमण पुष्टि भएको छ ।

योसँगै कोभिड १९ बाट संक्रमितको कुल संख्या २६ हजार १९ पुगेको हो ।

पछिल्लो पटक एक सय २४ जना संक्रमित निको भएका छन् । योसँगै नेपालमा कोरोना निको हुनेको कुल संख्या १७ हजार २ सय १ पुगेको छ ।

आजसम्ममा पिसिआर विधिबाट ५ लाख ५ हजार ६ सय ६० जनाको परिक्षण भएको छ । पछिल्लो २४ घन्टामा ११ हजार ३ सय ४४ वटा नमूनाको परिक्षणहरु भएका छन् ।

देशभरमा क्वारेन्टीनमा रहनेको संख्या १४ हजार ४ सय ४८ छ भने सक्रिय संक्रमितको संख्या ८ हजार ७ सय १६ जना रहेको छ ।

कोरोना संक्रमणका कारण मृत्यु हुनेको संख्या सय नाघेको छ । आज थप ३ जना संक्रमितको मृत्यु भएसँगै कोरोनाका कारण मृत्यु हुनेको संख्या एक सय २ पुगेको स्वास्थ्य मन्त्रालयले जनाएको छ ।

Categorized in राष्ट्रिय