भारतका पूर्व राष्ट्रपति मुखर्जीको निधन
SamacharDesk – बिकाश | २०७७ भाद्र १५, सोमबार
भारतका पूर्व राष्ट्रपति प्रणव मुखर्जीको निधन भएको छ ।
कोभिड १९ बाट संक्रमित ८४ वर्षीय मुखर्जीको उपचारको क्रममा अस्पतालमा निधन भएको हो ।
भारतीय कांग्रेसका वरिष्ठ नेता मुखर्जी केही हफ्ता अघिबाट नयाँ दिल्लीस्थित सैन्य अस्पताल रिसर्च एन्ड रेफरलमा भर्ना भई उपचाररत थिए ।
अस्पताल भर्ना गरिएको समयमा उनको मस्तिष्कको शल्यक्रिया गरिएको थियो ।
पछि उनको फोक्सोमा संक्रमण देखिएपछि परिक्षण गरिँदा उनमा कोरोना पोजेटिभ देखिएको हो ।
सन् २०१२ देखि २०१७ सम्म भारतका राष्ट्रपति रहेका उनी भारत रत्नबाट समेत सम्मानित भइसकेका छन् ।
Categorized in अन्तर्राष्ट्रिय
