नेपालमा पछिल्लो २४ घन्टामा गरिएको स्वाब नमूनाको परिक्षणमा जम्मा ४ दशमलव ८७ प्रतिशतमा मात्र कोभिड १९ को संक्रमण देखिएको छ ।

जम्मा ३ हजार २ सय २१ जनाको स्वाब नमूनाको परिक्षण गरिएको एक सय ५७ जनामा कोरोना संक्रमण पुष्टि भएको हो । तीमध्ये ५९ जना महिला छन् भने ९८ जना पुरुष छन् ।

हालसम्म नेपालमा २ लाख ७० हजार ७ सय ४५ जनालाई कोरोना संक्रमण भइसकेको छ ।

नेपालका कुल संक्रमितमध्ये ९८ दशमलव एक प्रतिशत संक्रमित निको पनि भएका छन् । हालसम्म २ लाख ६५ हजार ६ सय ९८ जना संक्रमित निको भइसकेका छन् । गएको २४ घन्टामा ३ सय ३३ जना संक्रमित निको भएका छन् ।

पछिल्लो २४ घन्टामा ३ जना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ । हालसम्म कोरोना संक्रमणका कारण २ हजार २५ जनाको मृत्यु भइसकेको छ ।

आजसम्ममा २० लाख ६४ हजार ८१ वटा स्वाब नमूनाको आरटी पिसिआर परिक्षण गरिएको छ ।

३ हजार २२ जना सक्रिय संक्रमित उपचाररत छन् । तीमध्ये एक हजार २ सय ४९ जना संस्थागत आइसोलेसनमा छन् भने एक हजार ७ सय ७३ होम आइसोलेसनमा छन् ।

कालिकोट, रुकुमपश्चिम र मुगुमा सक्रिय संक्रमितको संख्या शुन्य रहेको छ भने ५ सय बढि संक्रमित काठमाडौंमा मात्रै छन् ।

Categorized in राष्ट्रिय